Naka-Fixed Rate ba ang Housing Loan Mo? Alamin Bago Magulat sa Monthly!
FIXED INTEREST RATE. Ang fixed interest rate ay nangangahulugan na ang interest rate ng iyong housing loan ay mananatiling pareho sa loob ng isang napagkasunduang panahon. Ibig sabihin, kahit magkaroon ng pagbabago sa market interest rates, hindi magbabago ang iyong monthly payment habang nasa fixed-rate period.
Mga benepisyo ng fixed rate: Stable at predictable ang monthly payment — alam mo agad kung magkano ang babayaran mo bawat buwan, kaya mas madali ang pag-manage ng budget. Proteksyon laban sa pagtaas ng interest rate — hindi maaapektuhan ang iyong loan payment kahit tumaas ang rates sa market. Mas ligtas at nagbibigay ng peace of mind — bagay ito sa mga buyers na gusto ng siguradong monthly expenses.
Halimbawa: Kung ang iyong housing loan ay may 5% fixed interest rate for 5 years, mananatiling pareho ang iyong monthly payment sa loob ng 5 taon kahit tumaas ang market interest rates.
VARIABLE INTEREST RATE. Ang variable interest rate ay nangangahulugan na ang interest rate ng iyong housing loan ay maaaring magbago depende sa market conditions, economic factors, o bank repricing schedule. Ang iyong monthly payment ay maaaring tumaas o bumaba habang tumatagal ang loan.
Benepisyo: Possibility ng mas mababang bayad — kung bumaba ang market interest rates, maaari ring bumaba ang interest na babayaran at ang monthly amortization. Pero isaalang-alang: hindi permanent ang rate, maaaring mag-adjust ang buwanang hulog kapag nag-repricing, at may posibilidad ng mas mataas na bayarin sa future kung tumaas ang interest rate.
Halimbawa: Kung ang iyong monthly payment ay ₱30,000 gamit ang variable rate, maaaring tumaas ito kapag nag-increase ang interest rate pagkatapos ng repricing period. Kung gusto mong maintindihan ang loan terms mo, message mo lang ako.
